Færslan er ekki kostuð 

Í kjölfar færslanna um mismunandi húðgerðir mátti ég til að skrifa örlítið til ykkar um húðumhirðu og gefa góð ráð sem ættu að gagnast flestum ef ekki öllum.

Við erum öll með húð og hún er okkar stærsta líffæri, en það eru ansi margir sem sniðganga húðumhirðu í daglegu lífi. Ef við sleppum því að þrífa og bóna bílinn okkar, þá lítur lakkið frekar illa út á endanum – ekki satt? Einnig vil ég minna á (þrátt fyrir algengan misskilning) að karlmenn eru hvorki húðlausir né undanskyldir reglum um húðumhirðu.

HREINSUN

Þrífið húðina vel á kvöldin (ásamt léttri hreinsun á morgnana). Ef þið málið ykkur þá er nauðsynlegt að þrífa hana í tveimur skrefum; farðahreinsun og húðhreinsun sem hentar ykkar húðgerð. Nú ætla ég svo að vera leiðinleg: Eins mikið og mann langar að trúa því þá er ekki nóg að hreinsa húðina bara einu sinni og það er ekkert til sem heitir „all in one“ hreinsir. Ég mæli með að nota fyrst Michellar vatn eða annan farðahreinsi og svo andlitshreinsi þar á eftir.

6b63034307847a10e069ade061e9dcb4

NÆRING 

Notið gott krem, viðeigandi fyrir ykkar húðgerð. Það er nauðsynlegt til að verja húðina fyrir veðri, umhverfisáhrifum, óhreinindum, þurrki og svo mætti lengi lengi telja.

DJÚPHREINSUN/DJÚPNÆRING

 Djúphreinsið húðina reglulega (að minnsta kosti 1x-2x í viku) með kornaskrúbbi/ensýmskrúbbi/ávaxtasýruskrúbbi til að hjálpa henni að losna við óhreinindi og dauðar húðfrumur. Góðir maskar eru einnig nauðsyn að mínu mati, en hægt er að fá óteljandi tegundir af möskum fyrir hverja húðgerð. Rakamaski finnst mér einnig nauðsyn einu sinni til tvisvar í viku, sérstaklega á veturnar.

9036dfe7e193e704cfe78278bf86bf16

TREYSTIÐ FAGFÓLKI

Ekki taka við hvaða ráðleggingum/heimaráðum sem er af netinu eða frá hvaða fólki sem er. Spyrjið frekar snyrtifræðinga eða jafnvel förðunarfræðinga sem hafa lesið sér til og unnið við fagið.

FJÁRFESTIÐ Í HÚÐINNI

Ekki spara þegar það kemur að vörum sem þið setjið á húðina ykkar. Ekki misskilja mig; hjá sumum ódýrari merkjum er hægt að fá vörur sem virka vel á sanngjörnu verði en pössum upp á að nota eitthvað merki sem stendur fyrir gæði og inniheldur ekki skaðleg efni fyrir húðina.

VATN & HREYFING

Vatnsdrykkja hefur ótrúlega margt að segja fyrir fallega og ljómandi húð. Hreyfing skiptir einnig gríðarlegu máli. Með henni eykst blóðfæði til húðarinnar og hún svitnar út óhreinindum.

Þið getið lesið nánar um vöruráðleggingar í nýjustu færslum mínum um feita húð, blandaða húð og þurra húð.

Gunnhildurbirna-1

Endilega líkið við Facebook síðu okkar HÉR og addið okkur á Snapchat undir pigment.is

Gunnhildur Birna
Gunnhildur Birna Gunnarsdóttir er 29 ára förðunarmeistari, ásamt því að vera stofnandi og ritstjóri Pigment.is. Hún er einnig verslunarstjóri í Nola, sjálfstætt starfandi förðunarfræðingur, kærasta, hundamamma og afleysingakennari í MOOD Make Up School. Snap: gunnhildurb
Alpha girls