Eftir því sem árin líða að þá verð ég alltaf meðvitaðri um hvað húðumhirða er mikilvæg. Halda húðinni hreinni, gefa henni raka og passa að óhreinindi festist ekki í henni. Það er svo mikilvægt að hugsa vel um húðina og hreinsa hana. Ekki bara á kvöldin heldur líka á morgnana. Einnig er gott að huga að því að vörur sem innihalda kemísk efni eru oft ekki góð fyrir húðina.

bio7

Það er ástæðan fyrir því að BIOEFFECT húðvörurnar hafa verið lengi á óskalistanum hjá mér þar sem vörurnar þeirra innihalda engin kemísk efni – bara náttúruleg efni.

Áður fyrr voru húðdroparnir þekktir undir vörumerkinu EGF Sif Cosmetics en í dag er öll vörulínan undir merkinu BIOEFFECT. Það sem gerir þessar húðvörur áhugaverðari en aðrar, er að vörumerkið er íslenskt og getum við Íslendingar vera stoltir því þetta eru hágæða vörur og hafa hlotið mörg verðlaun. Húðvörurnar eru þær fyrstu í heiminum sem innihalda EGF frumuvaka sem eru framleiddir í plöntum sem eiga að fyrirbyggja ótímabæra öldrun húðarinnar.

bio6

Ég ákvað að fá mér húðdropana þegar ég fór erlendis um daginn. Þeir eru sérstaklega þróaðir til að bera á húðina á kvöldin og eiga að gefa henni frísklegri áferð og jafna lit. Efnið í þeim á að draga úr fíngerðum línum og hrukkum.

BIOEFFECT auglýsir sig sem húðvörur með einstaka virkni og því er ég sammála, ég sá strax mun eftir að hafa notað vörurnar þeirra í eina viku. Mér finnst húðin mín vera orðin mýkri og fínu línurnar undir augunum orðnar sléttari og húðin ljómar. Eftir húðhreinsun á kvöldin hef ég borið 2-4 dropa af húðdropunum á andlitið mitt, augnsvæðið og hálsinn á hverju kvöldi. Ég var ekki viss hvernig áferð dropanna væru en þegar ég prófaði dropana að þá voru þeir allt öðruvísi en ég hélt, þeir fara strax inn í húðina og mjög gott að bera þá á sig. Einnig endast þeir furðulega lengi, mér finnst ekkert sjá á flöskunni eftir að hafa notað þá í 2-3 vikur núna.

bio5

Með húðdropunum fylgdi dagkrem sem er með sömu virkni og droparnir og er sérstaklega þróað til að nota á morgnana og má setja undir farða. Kremið á að viðhalda réttu rakajafnvægi húðarinnar og er mjög þægilegt að bera það á sig. Mér fannst andlitið mitt glansa heldur mikið þegar ég setti það á mig í fyrsta skipti en eftir nokkrar sekúndur þá sá ég að kremið gekk hratt inn í húðina og hef ég notað það síðan á hverjum degi.

Eftir að hafa notað einungis þessar tvær vörur í 2-3 vikur núna að þá ætla ég að mæla með þeim, ég varð ekki svikin. Þessar vörur henta öllum húðgerðum og hlakka ég til að prófa meira af vörunum þeirra í framtíðinni.

guðbjorglilja

Endilega líkið við Facebook síðu okkar HÉR

Guðbjörg Lilja

Guðbjörg Lilja Gylfadóttir er 29 ára ný útskrifuð með BSc í sálfræði. Hún er mikil áhugamanneskja um tísku, hönnun, ljósmyndun og ferðalög. Guðbjörg er einnig matgæðingur og elskar að elda góðan mat, drekka kokteila og unir sér best í góðra vina hópi. Hún skrifar um allt sem vekur áhuga hennar og það sem henni þykir skemmtilegt og veitir innblástur.
Netfang: gudbjorglilja@gmail.com.

Alpha girls